Plantun de Prouvènço

Pèr coumpara dos planto d'encò nostre

Myosotis congesta & Loncomelos narbonensis

Te-vese-e-t'ame(-di-flour-sarrado)

Myosotis congesta

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis à fleurs serrées.

Descripcioun :
Aquéu te-vese-e-t'ame trachis dins li tepiero sablouso, séusouso e umido. Au nostre se vèi soulamen en Prouvènço séusouso. Douno d'èr à Myosotis ramosissima, mai li flour soun mai sarrado, emé de pecou courtet e mens clina. La baso di petalo èi roujo e souvènt gounflo. Pensa de coumpara emé lis autri te-vese-e-t'ame en quichan sus la flècho verdo çai-souto.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 3 à 15 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 3 mm
Flourido : Printems

Sòu : Si
Autour basso e auto : 0 à 600 m
Aparado : Noun
Mars à mai

Liò : Tepiero sablouso umido - Ermas
Estànci : Termoumediterran à Mesoumediterran
Couroulougi : Estenoumediterrano-Nord
Ref. sc. : Myosotis congesta Shuttlew. ex A.Albert & Reyn., 1891

Penitènt-blanc

Loncomelos narbonensis

Asparagaceae Hyacinthaceae

Nom en français : Ornithogale de Narbonne.

Descripcioun :
Lou penitènt-blanc es uno planto pulèu grando (30 à 70 cm) en coumparesoun de si cousino li flour-de-vounge-ouro. Fai de grapo de flour blanco emé lou deforo verd, de cop que i'a vióulet, emé de bando blanco. I'a de soubro de fueio quouro flouris, au contro de Loncomelos pyrenaicus.

Usanço :
Sara peréu escricho dins quàuqui tèms.

Port : Grando erbo
Taio : Pancaro entresigna
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Loncomelos
Famiho : Asparagaceae
Famiho classico : Hyacinthaceae

Ordre : Aspargales

Coulour de la flour : Blanco
Petalo : 6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Champ - Tepiero seco - Baragno
Estànci : Pancaro entresigna
Couroulougi : Pancaro entresigna
Ref. sc. : Loncomelos narbonensis (L.) Raf., 1840 (= Ornithogalum narbonense L., 1756 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Myosotis congesta & Loncomelos narbonensis

ges

Coumpara Te-vese-e-t'ame(-di-flour-sarrado) emé uno autro planto

Coumpara Penitènt-blanc emé uno autro planto